-
-
Afrikaans (1953) -
-
9
|1 Pedro 4:9|
Wees gasvry jeens mekaar sonder om te murmureer.
-
10
|1 Pedro 4:10|
Namate elkeen 'n genadegawe ontvang het, moet julle mekaar daarmee dien soos goeie bedienaars van die veelvuldige genade van God.
-
11
|1 Pedro 4:11|
As iemand spreek, laat dit wees soos woorde van God; as iemand dien, laat dit wees soos uit die krag wat God verleen, sodat God in alles verheerlik kan word deur Jesus Christus, aan wie die heerlikheid en krag toekom tot in alle ewigheid. Amen.
-
12
|1 Pedro 4:12|
Geliefdes, verbaas julle nie oor die vuurgloed van vervolging onder julle wat tot julle beproewing dien, asof iets vreemds oor julle kom nie;
-
13
|1 Pedro 4:13|
maar namate julle gemeenskap het aan die lyde van Christus, moet julle bly wees, sodat julle ook by die openbaring van sy heerlikheid met blydskap kan jubel.
-
14
|1 Pedro 4:14|
As julle beledig word oor die Naam van Christus, is julle gelukkig, omdat die Gees van die heerlikheid en van God op julle rus. Wat hulle betref, word Hy wel gelaster; maar wat julle betref, word Hy verheerlik.
-
15
|1 Pedro 4:15|
Want niemand van julle moet ly as moordenaar of dief of kwaaddoener of as een wat hom met die sake van 'n ander bemoei nie.
-
16
|1 Pedro 4:16|
Maar wanneer iemand as 'n Christen ly, moet hy hom nie skaam nie, maar God verheerlik in hierdie opsig.
-
17
|1 Pedro 4:17|
Want die tyd is daar dat die oordeel moet begin by die huis van God. En as dit eers by ons begin, wat sal die einde wees van die wat aan die evangelie van God ongehoorsaam is?
-
18
|1 Pedro 4:18|
En as die regverdige nouliks gered word, waar sal die goddelose en die sondaar verskyn?
-
-
Sugestões
Clique para ler Apocalipse 22-22