-
-
Afrikaans (1953) -
-
38
|Atos 9:38|
En omdat Lidda naby Joppe was en die dissipels gehoor het dat Petrus daar was, het hulle twee manne na hom gestuur wat hom moes smeek dat hy sonder uitstel na hulle moet oorkom.
-
39
|Atos 9:39|
En Petrus het opgestaan en saam met hulle gegaan. En toe hy daar kom, bring hulle hom in die bovertrek; en al die weduwees kom by hom staan en ween en wys hom die onder-- en bo-klere wat Dorkas alles gemaak het toe sy nog by hulle was.
-
40
|Atos 9:40|
En Petrus het almal buitentoe gestuur en neergekniel en gebid. En hy het hom na die liggaam gedraai en gesê: TabÃta, staan op! En sy het haar oë oopgemaak; en toe sy Petrus sien, het sy regop gesit.
-
41
|Atos 9:41|
En hy gee haar sy hand en laat haar opstaan. Daarop roep hy die heiliges en die weduwees en stel haar lewendig voor hulle.
-
42
|Atos 9:42|
En dit het bekend geword in die hele Joppe, en baie het in die Here geglo.
-
43
|Atos 9:43|
En hy het 'n geruime tyd in Joppe gebly by 'n sekere Simon, 'n leerlooier.
-
1
|Atos 10:1|
En daar was in Cesaréa 'n man met die naam van Cornelius, 'n hoofman oor honderd van die sogenaamde Italiaanse leërafdeling.
-
2
|Atos 10:2|
Hy met sy hele huis was vroom en godvresend en het baie aalmoese aan die volk gegee en was altyddeur in die gebed tot God.
-
3
|Atos 10:3|
Hy het duidelik in 'n gesig omtrent die negende uur van die dag 'n engel van God na hom sien inkom en vir hom sê: Cornelius!
-
4
|Atos 10:4|
En hy het die oë op hom gehou en vol vrees gesê: Wat is dit, my heer? Toe antwoord hy hom: Jou gebede en jou aalmoese het voor God in gedagtenis gekom.
-
-
Sugestões
Clique para ler Apocalipse 22-22