-
-
Afrikaans (1953) -
-
15
|Atos 10:15|
En weer het die stem vir die tweede keer na hom gekom: Wat God rein gemaak het, mag jy nie onheilig ag nie.
-
16
|Atos 10:16|
En dit het drie maal gebeur, en die voorwerp is weer in die hemel opgeneem.
-
17
|Atos 10:17|
En terwyl Petrus by homself daaroor verleë was wat die gesig tog kon beteken wat hy gesien het, staan die manne wat deur Cornelius gestuur was, daar by die poort en verneem na die huis van Simon.
-
18
|Atos 10:18|
En hulle roep en vra of Simon, wat ook Petrus genoem word, daar tuis is.
-
19
|Atos 10:19|
En terwyl Petrus nadink oor die gesig, sê die Gees vir hom: Daar is drie manne wat jou soek.
-
20
|Atos 10:20|
Staan dan op, klim af en gaan saam met hulle sonder om te twyfel, want Ek het hulle gestuur.
-
21
|Atos 10:21|
En Petrus het afgeklim na die manne wat deur Cornelius na hom gestuur was, en gesê: Kyk, dit is ek wat julle soek. Wat is die rede waarom julle hier is?
-
22
|Atos 10:22|
En hulle sê: Cornelius, 'n hoofman oor honderd, 'n regverdige en godvresende man, wat 'n goeie naam het by die hele Joodse nasie, het 'n goddelike openbaring ontvang deur 'n heilige engel, om u te laat haal na sy huis om te hoor wat u sal sê.
-
23
|Atos 10:23|
En hy het hulle binnegenooi en geherberg. En die volgende dag het Petrus saam met hulle afgereis, en enkele van die broeders uit Joppe het met hom saamgegaan.
-
24
|Atos 10:24|
Die dag daarop het hulle in Cesaréa aangekom. En Cornelius was hulle te wagte, en hy het alreeds sy familie en besondere vriende bymekaargeroep.
-
-
Sugestões
Clique para ler Apocalipse 22-22