-
-
Afrikaans (1953) -
-
9
|Atos 20:9|
En 'n sekere jongman met die naam van Eútichus het in die venster gesit en weggesink in 'n diepe slaap; en toe Paulus nog lank gespreek het, is hy oorweldig deur die slaap en het van die derde verdieping afgeval en is dood opgetel.
-
10
|Atos 20:10|
Toe gaan Paulus ondertoe en val op hom en slaan sy arms om hom en sê: Moenie so te kere gaan nie, want sy lewe is in hom.
-
11
|Atos 20:11|
En hy het boontoe gegaan en brood gebreek en geëet; en nadat hy nog 'n geruime tyd gespreek het tot dagbreek toe, het hy vertrek.
-
12
|Atos 20:12|
En hulle het die seun lewendig huis toe weggebring en was uitermate getroos.
-
13
|Atos 20:13|
Maar ons het vooruit op die skip gegaan en afgevaar na Assus, waar ons van plan was om Paulus aan boord te neem; want so het hy dit bestel, omdat hy self te voet wou gaan.
-
14
|Atos 20:14|
Toe hy ons dan in Assus ontmoet, het ons hom aan boord geneem en by Mitiléne gekom.
-
15
|Atos 20:15|
En daarvandaan het ons weggevaar en die volgende dag teenoor Chios gekom, en die ander dag na Samos oorgevaar en in TrogÃllion oorgebly en die dag daarop by Miléte gekom.
-
16
|Atos 20:16|
Want Paulus het besluit om by Éfese verby te vaar, sodat hy nie in Asië tyd sou verloor nie; want hy het hom gehaas om, as dit vir hom moontlik was, op die pinksterdag in Jerusalem te wees.
-
17
|Atos 20:17|
En van Miléte het hy gestuur na Éfese en die ouderlinge van die gemeente laat roep.
-
18
|Atos 20:18|
En toe hulle by hom kom, sê hy vir hulle: Julle weet hoe ek, van die eerste dag af dat ek in Asië aangekom het, die hele tyd by julle gewees het
-
-
Sugestões
Clique para ler Apocalipse 22-22