-
-
Tagalog - Ang Dating Biblia (1905) -
-
1
|Juan 20:1|
Nang unang araw nga ng sanglinggo ay naparoong maaga sa libingan si Maria Magdalena, samantalang madilim pa, at nakita ang bato na naalis na sa libingan.
-
2
|Juan 20:2|
Tumakbo nga siya, at naparoon kay Simon Pedro, at sa isang alagad na iniibig ni Jesus, at sa kanila'y sinabi, Kinuha nila sa libingan ang Panginoon, at hindi namin maalaman kung saan nila siya inilagay.
-
3
|Juan 20:3|
Umalis nga si Pedro, at ang isang alagad, at nagsitungo sa libingan.
-
4
|Juan 20:4|
At sila'y kapuwa tumakbong magkasama: at ang isang alagad ay tumakbong matulin kay sa kay Pedro, at dumating na una sa libingan;
-
5
|Juan 20:5|
At nang kaniyang tunghan at tingnan ang loob, ay nakita niyang nangakalatag ang mga kayong lino; gayon ma'y hindi siya pumasok sa loob.
-
6
|Juan 20:6|
Dumating naman nga si Simon Pedro, na sumusunod sa kaniya, at pumasok sa libingan; at nakita niyang nangakalatag ang mga kayong lino,
-
7
|Juan 20:7|
At ang panyo na nasa kaniyang ulo, ay hindi kasamang nakalatag ng mga kayong lino, kundi bukod na natitiklop sa isang tabi.
-
8
|Juan 20:8|
Nang magkagayo'y pumasok din naman nga ang isang alagad, na unang dumating sa libingan, at siya'y nakakita at sumampalataya.
-
9
|Juan 20:9|
Sapagka't hindi pa nila napaguunawa ang kasulatan, na kinakailangang siya'y muling magbangon sa mga patay.
-
10
|Juan 20:10|
Kaya't ang mga alagad ay muling nagsitungo sa kanikanilang sariling tahanan.
-
-
Sugerencias
Haga clic para leer 1 Samuel 24-27