-
-
Tagalog - Ang Dating Biblia (1905) -
-
1
|Juan 8:1|
Datapuwa't si Jesus ay napasa bundok ng mga Olivo.
-
2
|Juan 8:2|
At pagka umaga ay nagbalik siya sa templo, at ang buong bayan ay lumapit sa kaniya; at siya'y naupo, at sila'y tinuruan.
-
3
|Juan 8:3|
At dinala sa kaniya ng mga eskriba at ng mga Fariseo ang isang babaing nahuli sa pangangalunya; at nang mailagay siya sa gitna,
-
4
|Juan 8:4|
Ay sinabi nila sa kaniya, Guro, nahuli ang babaing ito sa kasalukuyan ng pangangalunya.
-
5
|Juan 8:5|
Sa kautusan nga ay ipinagutos sa amin ni Moises na batuhin ang mga ganyan: ano nga ang iyong sabi tungkol sa kaniya?
-
6
|Juan 8:6|
At ito'y kanilang sinabi, na siya'y sinusubok, upang sa kaniya'y may maisumbong sila. Datapuwa't yumuko si Jesus, at sumulat ng kaniyang daliri sa lupa.
-
7
|Juan 8:7|
Datapuwa't nang sila'y nangagpatuloy ng pagtatanong sa kaniya, ay umunat siya, at sa kanila'y sinabi, Ang walang kasalanan sa inyo, ay siyang unang bumato sa kaniya.
-
8
|Juan 8:8|
At muli siyang yumuko, at sumulat ng kaniyang daliri sa lupa.
-
9
|Juan 8:9|
At sila, nang ito'y kanilang marinig, ay nagsialis na isa-isa, na nagpasimula sa katandatandaan, hanggang sa kahulihulihan: at iniwang magisa si Jesus at ang babae, sa kinaroroonan nito, sa gitna.
-
10
|Juan 8:10|
At umunat si Jesus, at sa kaniya'y sinabi, Babae, saan sila nangaroroon? wala bagang taong humatol sa iyo?
-
-
Sugerencias
Haga clic para leer 1 Corintios 1-4