-
Leer por capítulos:
101-
Tagalog - Ang Dating Biblia (1905) -
-
1
|Salmos 101:1|
Aking aawitin ang kagandahang-loob at kahatulan: sa iyo, Oh Panginoon, aawit ako ng mga pagpupuri.
-
2
|Salmos 101:2|
Ako'y magpapakapantas sa sakdal na lakad: Oh kailan ka pasasa akin? Ako'y lalakad sa loob ng aking bahay na may sakdal na puso.
-
3
|Salmos 101:3|
Hindi ako maglalagay ng hamak na bagay sa harap ng aking mga mata: aking ipinagtanim ang gawa nilang lisya: hindi kakapit sa akin.
-
4
|Salmos 101:4|
Ang suwail na puso ay hihiwalay sa akin: hindi ako makakaalam ng masamang bagay.
-
5
|Salmos 101:5|
Ang sumisirang puri na lihim sa kaniyang kapuwa ay aking ibubuwal: siya na may mapagmataas na tingin at may palalong puso ay hindi ko titiisin.
-
6
|Salmos 101:6|
Ang mga mata ko'y itititig ko sa mga tapat sa lupain, upang sila'y makatahan na kasama ko: siya na lumalakad sa sakdal na daan, siya'y mangangasiwa sa akin.
-
7
|Salmos 101:7|
Siyang gumagawa ng karayaan ay hindi tatahan sa loob ng aking bahay: siyang nagsasalita ng kabulaanan ay hindi matatatag sa harap ng aking mga mata.
-
8
|Salmos 101:8|
Tuwing umaga ay aking lilipulin ang lahat na masama sa lupain; upang ihiwalay ang lahat na manggagawa ng kasamaan sa bayan ng Panginoon.
-
-
Sugerencias
Haga clic para leer Números 31-32