-
Leer por capítulos:
75-
Tagalog - Ang Dating Biblia (1905) -
-
1
|Salmos 75:1|
Kami ay nagpapasalamat sa iyo, Oh Dios: kami ay nagpapasalamat, sapagka't ang iyong pangalan ay malapit: isinasaysay ng mga tao ang iyong mga kagilagilalas na gawa.
-
2
|Salmos 75:2|
Pagka aking nakamtan ang takdang kapanahunan, hahatol ako ng matuwid.
-
3
|Salmos 75:3|
Ang lupa at lahat na tagarito ay natutunaw: aking itinayo ang mga haligi niyaon. (Selah)
-
4
|Salmos 75:4|
Aking sinabi sa hambog, Huwag kang gumawang may kahambugan: at sa masama, Huwag kang magtaas ng sungay:
-
5
|Salmos 75:5|
Huwag mong itaas ang iyong sungay ng mataas; huwag kang magsalitang may matigas na ulo.
-
6
|Salmos 75:6|
Sapagka't hindi man mula sa silanganan, o mula man sa kalunuran, o mula man sa timugan, ang pagkataas.
-
7
|Salmos 75:7|
Kundi ang Dios ay siyang hukom: kaniyang ibinababa ang isa, at itinataas ang isa.
-
8
|Salmos 75:8|
Sapagka't sa kamay ng Panginoon ay may isang saro, at ang alak ay bumubula; puno ng pagkakahalohalo, at kaniyang inililiguwak din: tunay na ibubuhos ng lahat na masama sa lupa ang latak, at iinumin.
-
9
|Salmos 75:9|
Nguni't aking ipahahayag magpakailan man, ako'y aawit ng mga kapurihan sa Dios ni Jacob.
-
10
|Salmos 75:10|
Lahat ng mga sungay naman ng masama ay aking ihihiwalay; nguni't ang mga sungay ng matuwid ay matataas.
-
-
Sugerencias
Haga clic para leer Números 31-32