-
Leer por capítulos:
63-
Tagalog - Ang Dating Biblia (1905) -
-
1
|Salmos 63:1|
Oh Dios, ikaw ay Dios ko; hahanapin kitang maaga: kinauuhawan ka ng aking kaluluwa, pinananabikan ka ng aking laman, sa isang tuyo at uhaw na lupa na walang tubig.
-
2
|Salmos 63:2|
Sa gayo'y tumingin ako sa iyo sa santuario. Upang tanawin ang iyong kapangyarihan at ang iyong kaluwalhatian.
-
3
|Salmos 63:3|
Sapagka't ang iyong kagandahang-loob ay mainam kay sa buhay: pupurihin ka ng aking mga labi.
-
4
|Salmos 63:4|
Sa gayo'y pupurihin kita habang ako'y nabubuhay: igagawad ko ang aking mga kamay sa iyong pangalan.
-
5
|Salmos 63:5|
Ang kaluluwa ko'y matutuwa na gaya sa utak at taba; at ang bibig ko'y pupuri sa iyo ng masayang mga labi;
-
6
|Salmos 63:6|
Pagka naaalaala kita sa aking higaan, at ginugunita kita sa pagbabantay sa gabi.
-
7
|Salmos 63:7|
Sapagka't naging katulong kita, at sa lilim ng mga pakpak mo'y magagalak ako.
-
8
|Salmos 63:8|
Ang kaluluwa ko'y nanununod na mainam sa iyo: inaalalayan ako ng iyong kanan.
-
9
|Salmos 63:9|
Nguni't ang nagsisihanap ng kaluluwa ko, upang ipahamak, magsisilusong sa mga lalong mababang bahagi ng lupa.
-
10
|Salmos 63:10|
Sila'y mangahuhulog sa kapangyarihan ng tabak: sila'y magiging pagkain sa mga zorra.
-
-
Sugerencias
Haga clic para leer Proverbios 16-19