-
Leer por capítulos:
44-
Tagalog - Ang Dating Biblia (1905) -
-
1
|Salmos 44:1|
Narinig namin ng aming mga pakinig, Oh Dios, isinaysay sa amin ng aming mga magulang, kung anong gawa ang iyong ginawa sa kanilang mga kaarawan, ng mga kaarawan ng una.
-
2
|Salmos 44:2|
Iyong itinaboy ng iyong kamay ang mga bansa, nguni't itinatag mo sila; iyong dinalamhati ang mga bayan, nguni't iyong pinangalat sila.
-
3
|Salmos 44:3|
Sapagka't hindi nila tinamo ang lupain na pinakaari sa pamamagitan ng kanilang sariling tabak, ni iniligtas man sila ng kanilang sariling kamay: kundi ng iyong kanan, at ng iyong bisig, at ng liwanag ng iyong mukha, sapagka't iyong nilingap sila.
-
4
|Salmos 44:4|
Ikaw ang aking Hari, Oh Dios: magutos ka ng kaligtasan sa Jacob.
-
5
|Salmos 44:5|
Dahil sa iyo'y itutulak namin ang aming mga kaaway: sa iyong pangalan ay yayapakan namin sila na nagsisibangon laban sa amin.
-
6
|Salmos 44:6|
Sapagka't hindi ako titiwala sa aking busog, ni ililigtas man ako ng aking tabak.
-
7
|Salmos 44:7|
Nguni't iniligtas mo kami sa aming mga kaaway, at inilagay mo sila sa kahihiyan na nangagtatanim sa amin.
-
8
|Salmos 44:8|
Sa Dios ay naghahambog kami buong araw, at mangagpapasalamat kami sa iyong pangalan magpakailan man. (Selah)
-
9
|Salmos 44:9|
Nguni't ngayo'y itinakuwil mo kami, at inilagay mo kami sa kasiraang puri; at hindi ka lumalabas na kasama ng aming mga hukbo.
-
10
|Salmos 44:10|
Iyong pinatatalikod kami sa kaaway: at silang nangagtatanim sa amin ay nagsisisamsam ng sa ganang kanilang sarili.
-
-
Sugerencias
Haga clic para leer Números 31-32