-
Leer por capítulos:
-
Afrikaans (1953) -
-
1
|Deuteronomio 11:1|
Daarom moet jy die HERE jou God liefhê en altyd sy ordening, sy insettinge sowel as sy verordeninge en sy gebooie onderhou.
-
2
|Deuteronomio 11:2|
En julle moet vandag weet dat ek nie spreek tot julle kinders wat die onderwysing van die HERE julle God nie geweet en nie gesien het nie: sy grootheid, sy sterke hand en sy uitgestrekte arm
-
3
|Deuteronomio 11:3|
en sy tekens en sy dade wat Hy in Egipte gedoen het aan Farao, die koning van Egipte, en aan sy hele land;
-
4
|Deuteronomio 11:4|
en wat Hy gedoen het aan die leër van Egipte, aan sy perde en aan sy strydwaens waaroor Hy die waters van die Skelfsee laat aanstroom het toe hulle julle agtervolg het, sodat die HERE hulle omgebring het tot vandag toe;
-
5
|Deuteronomio 11:5|
en wat Hy vir julle in die woestyn gedoen het tot julle aankoms op hierdie plek;
-
6
|Deuteronomio 11:6|
en wat Hy aan Datan en Abíram, die seuns van Elíab, die seun van Ruben, gedoen het--hoe die aarde sy mond oopgemaak en hulle saam met hul huisgesinne en hul tente en al die lewende wesens agter hulle aan, onder die hele Israel verslind het;
-
7
|Deuteronomio 11:7|
maar julle eie oë het gesien al die groot werke wat die HERE gedoen het.
-
8
|Deuteronomio 11:8|
Onderhou dan al die gebooie wat ek jou vandag beveel, dat julle sterk kan wees en inkom en die land in besit neem waarheen julle oortrek om dit in besit te neem,
-
9
|Deuteronomio 11:9|
en dat julle die dae kan verleng in die land wat die HERE aan julle vaders met 'n eed beloof het om aan hulle en hul nageslag te gee, 'n land wat oorloop van melk en heuning.
-
10
|Deuteronomio 11:10|
Want die land waarheen jy gaan om dit in besit te neem, is nie soos Egipteland waar julle uitgetrek het, wat jy met jou saad besaai en met jou voet, soos 'n groentetuin, natgelei het nie.
-
-
Sugerencias
Haga clic para leer 2 Crónicas 8-9