-
Leer por capítulos:
-
Afrikaans (1953) -
-
1
|Deuteronomio 27:1|
En Moses het saam met die oudstes van Israel aan die volk bevel gegee en gesê: Onderhou al die gebooie wat ek julle vandag beveel.
-
2
|Deuteronomio 27:2|
En die dag as julle deur die Jordaan gaan in die land wat die HERE jou God jou sal gee, moet jy vir jou groot klippe oprig en dit met kalk bestryk.
-
3
|Deuteronomio 27:3|
En jy moet as jy oortrek daarop skrywe al die woorde van hierdie wet, sodat jy kan kom in die land wat die HERE jou God jou sal gee, 'n land wat oorloop van melk en heuning, soos die HERE, die God van jou vaders, jou beloof het.
-
4
|Deuteronomio 27:4|
As julle dan deur die Jordaan trek, moet julle hierdie klippe waaromtrent ek julle vandag bevel gee, op die berg Ebal oprig, en jy moet dit met kalk bestryk.
-
5
|Deuteronomio 27:5|
En jy moet daar vir die HERE jou God 'n altaar bou, 'n altaar van klippe; jy mag geen yster daaroor swaai nie.
-
6
|Deuteronomio 27:6|
Van ongekapte klippe moet jy die altaar van die HERE jou God bou; en jy moet daarop brandoffers bring aan die HERE jou God.
-
7
|Deuteronomio 27:7|
Ook moet jy dankoffers slag en daar eet en vrolik wees voor die aangesig van die HERE jou God.
-
8
|Deuteronomio 27:8|
En jy moet op die klippe baie duidelik skrywe al die woorde van hierdie wet.
-
9
|Deuteronomio 27:9|
Verder het Moses en die Levitiese priesters die hele Israel toegespreek en gesê: Wees stil en luister, o Israel! Vandag het jy die volk van die HERE geword.
-
10
|Deuteronomio 27:10|
Daarom moet jy na die stem van die HERE jou God luister en sy gebooie en sy insettinge volbring wat ek jou vandag beveel.
-
-
Sugerencias
Haga clic para leer Job 8-10