-
Leer por capítulos:
-
Afrikaans (1953) -
-
1
|Deuteronomio 28:1|
As jy dan goed luister na die stem van die HERE jou God om sorgvuldig te hou al sy gebooie wat ek jou vandag beveel, dan sal die HERE jou God jou die hoogste stel bo al die nasies van die aarde.
-
2
|Deuteronomio 28:2|
En al hierdie seëninge sal oor jou kom en jou inhaal as jy luister na die stem van die HERE jou God.
-
3
|Deuteronomio 28:3|
Geseënd sal jy wees in die stad, en geseënd sal jy wees in die veld.
-
4
|Deuteronomio 28:4|
Geseënd sal wees die vrug van jou liggaam en die vrugte van jou land en die vrug van jou vee, die aanteel van jou beeste en die aanteel van jou kleinvee.
-
5
|Deuteronomio 28:5|
Geseënd sal wees jou mandjie en jou bakskottel.
-
6
|Deuteronomio 28:6|
Geseënd sal jy wees by jou ingang, en geseënd sal jy wees by jou uitgang.
-
7
|Deuteronomio 28:7|
Die HERE sal maak dat jou vyande wat teen jou opstaan, voor jou verslaan word; op een pad sal hulle teen jou uittrek en op sewe paaie voor jou uit vlug.
-
8
|Deuteronomio 28:8|
Die HERE sal die seën oor jou gebied in jou skure en in alles waar jy jou hand aan slaan; en Hy sal jou seën in die land wat die HERE jou God jou sal gee.
-
9
|Deuteronomio 28:9|
Die HERE sal jou vir Hom as heilige volk bevestig soos Hy jou dit gesweer het, as jy die gebooie van die HERE jou God hou en in sy weë wandel.
-
10
|Deuteronomio 28:10|
En al die volke van die aarde sal sien dat die Naam van die HERE oor jou uitgeroep is, en hulle sal vir jou vrees.
-
-
Sugerencias
Haga clic para leer 2 Crónicas 8-9