-
Leer por capítulos:
-
Afrikaans (1953) -
-
21
|Deuteronomio 28:21|
Die HERE sal maak dat die pes jou aankleef totdat Hy jou vernietig uit die land waarheen jy gaan om dit in besit te neem.
-
22
|Deuteronomio 28:22|
Die HERE sal jou swaar tref met tering en koors en vurige koors en ontsteking en droogte en brandkoring en heuningdou; en hulle sal jou vervolg totdat jy omkom.
-
23
|Deuteronomio 28:23|
En jou hemel wat bo jou hoof is, sal koper, en die aarde wat onder jou is, yster wees.
-
24
|Deuteronomio 28:24|
Die HERE sal die reën van jou land poeier en stof maak; van die hemel sal dit op jou afkom totdat jy verdelg is.
-
25
|Deuteronomio 28:25|
Die HERE sal maak dat jy voor jou vyande verslaan word; op een pad sal jy teen hom uittrek en op sewe paaie sal jy voor hom uit vlug--en jy sal 'n skrikbeeld vir al die koninkryke van die aarde word.
-
26
|Deuteronomio 28:26|
En jou lyke sal as voedsel dien vir al die voëls van die hemel en vir die diere van die aarde sonder dat iemand hulle skrikmaak.
-
27
|Deuteronomio 28:27|
Die HERE sal jou swaar tref met swere van Egipte en met geswelle en skurfte en uitslag waarvan jy nie kan gesond word nie.
-
28
|Deuteronomio 28:28|
Die HERE sal jou slaan met kranksinnigheid en blindheid en sinsverwarring,
-
29
|Deuteronomio 28:29|
sodat jy op die middag sal rondtas soos die blinde in die donker rondtas, en in jou weë sal jy geen voorspoed hê nie; maar jy sal altyddeur net verdruk en beroof wees sonder dat daar 'n helper is.
-
30
|Deuteronomio 28:30|
Jy sal jou met 'n vrou verloof, maar 'n ander man sal haar skend; 'n huis sal jy bou, maar daarin nie woon nie; 'n wingerd plant, maar dit nie in gebruik neem nie.
-
-
Sugerencias
Haga clic para leer 2 Corintios 5-7