-
Leer por capítulos:
-
Afrikaans (1953) -
-
1
|Deuteronomio 32:1|
Luister, o hemele, dat ek kan spreek, en laat die aarde hoor die woorde van my mond.
-
2
|Deuteronomio 32:2|
Laat my leer drup soos die reën, my woord vloei soos die dou, soos reëndruppels op die grasspruitjies en soos reënbuie op die plante.
-
3
|Deuteronomio 32:3|
Want die Naam van die HERE roep ek uit: Gee grootheid aan onse God!
-
4
|Deuteronomio 32:4|
Die Rots--volkome is sy werk; want al sy weë is strafgerigte; 'n God van trou en sonder onreg; regverdig en reg is Hy.
-
5
|Deuteronomio 32:5|
Hulle het verderflik teen Hom gehandel--die wat sy seuns nie was nie, maar hulle skandvlek--'n verkeerde en verdraaide geslag.
-
6
|Deuteronomio 32:6|
Durf julle dit die HERE vergelde, o dwase en onwyse volk? Is Hy nie jou Vader wat jou geskape het nie; het Hy jou nie gemaak en jou toeberei nie?
-
7
|Deuteronomio 32:7|
Dink aan die dae van die ou tyd, let op die jare, van geslag tot geslag; vra jou vader, dat hy jou dit bekend maak; die ou mense, dat hulle jou dit sê.
-
8
|Deuteronomio 32:8|
Toe die Allerhoogste aan die nasies 'n erfdeel gegee het, toe Hy die mensekinders van mekaar geskei het, het Hy die grense van die volke vasgestel volgens die getal van die kinders van Israel.
-
9
|Deuteronomio 32:9|
Want die HERE se deel is sy volk, Jakob is sy afgemete erfdeel.
-
10
|Deuteronomio 32:10|
Hy het hom gevind in 'n woestynland en in 'n woeste wêreld, vol gehuil van die wildernis; Hy het hom omring, op hom ag gegee, hom bewaak soos sy oogappel.
-
-
Sugerencias
Haga clic para leer Job 8-10