-
Leer por capítulos:
-
Afrikaans (1953) -
-
21
|Deuteronomio 32:21|
Hulle het my ywer gewek deur wat nie-God is, My geterg deur hulle nietige afgode. Ék sal dan hulle ywer wek deur die wat 'n nie-volk is, deur 'n dwase nasie sal Ek hulle terg.
-
22
|Deuteronomio 32:22|
Want 'n vuur is aangesteek in my toorn en het gebrand tot in die doderyk daaronder, en dit het die aarde met sy opbrings verteer en die fondamente van die berge aan die brand gesteek.
-
23
|Deuteronomio 32:23|
Ek sal onheile op hulle ophoop; my pyle sal Ek op hulle wegskiet.
-
24
|Deuteronomio 32:24|
As hulle uitgeput is van honger en verteer deur koorsgloed en dodelike siekte, sal Ek die tand van wilde diere teen hulle loslaat met die gif van stofkruipers.
-
25
|Deuteronomio 32:25|
Buitekant sal die swaard beroof, en in die binnekamers die verskrikking; die jongman sowel as die jongedogter, die suigling saam met die grysaard.
-
26
|Deuteronomio 32:26|
Ek sou gesê het: Ek wil hulle wegblaas, hulle gedagtenis onder die mense uitroei--
-
27
|Deuteronomio 32:27|
as Ek nie vir die terging van die vyand bedug was nie, dat hulle teëstanders dit sou misverstaan en sê: Ons hand was hoog, en die HERE het dit alles nie gedoen nie.
-
28
|Deuteronomio 32:28|
Want 'n nasie van verlore raadsplanne is hulle, en daar is geen verstand in hulle nie.
-
29
|Deuteronomio 32:29|
Was hulle wys, hulle sou dit insien, hulle sou op hulle einde let.
-
30
|Deuteronomio 32:30|
Hoe kan een dan duisend agtervolg en twee tien duisend op die vlug jaag, was dit nie dat hul steenrots hulle verkoop en die HERE hulle oorgelewer het nie!
-
-
Sugerencias
Haga clic para leer Levítico 17-19