-
Leer por capítulos:
-
Afrikaans (1953) -
-
11
|Deuteronomio 23:11|
Maar as die aand aankom, moet hy hom in die water bad; en teen sonsondergang mag hy in die laer inkom.
-
12
|Deuteronomio 23:12|
Jy moet buitekant die laer 'n plek hê, en daarheen moet jy uitgaan.
-
13
|Deuteronomio 23:13|
En jy moet by jou gereedskap 'n grafie hê; as jy dan buitekant gaan sit, moet jy daarmee grawe en wat van jou uitgegaan het, weer toemaak.
-
14
|Deuteronomio 23:14|
Want die HERE jou God wandel midde-in jou laer om jou te red en jou vyande aan jou oor te gee; daarom moet jou laer heilig wees, sodat Hy niks skandeliks by jou mag sien en Hom van jou afwend nie.
-
15
|Deuteronomio 23:15|
Jy mag 'n slaaf wat van sy heer na jou ontsnap het, nie aan sy heer oorlewer nie.
-
16
|Deuteronomio 23:16|
Hy moet by jou bly, in jou midde, in die plek wat hy in een van jou poorte uitkies, waar dit vir hom goed is; jy mag hom nie verdruk nie.
-
17
|Deuteronomio 23:17|
Daar mag geen hoer uit die dogters van Israel wees nie; en daar mag geen skandseun uit die seuns van Israel wees nie.
-
18
|Deuteronomio 23:18|
Jy mag geen hoereloon of hondeprys in die huis van die HERE jou God as enige gelofte offer bring nie; want dié altwee is vir die HERE jou God 'n gruwel.
-
19
|Deuteronomio 23:19|
Jy mag jou broer geen rente oplê nie, rente van geld, rente van eetware, rente van enigiets wat 'n mens teen rente uitleen nie.
-
20
|Deuteronomio 23:20|
Die uitlander mag jy rente oplê, maar jou broer mag jy geen rente oplê nie, sodat die HERE jou God jou kan seën in alles waar jy jou hand aan slaan in die land waarheen jy gaan om dit in besit te neem.
-
-
Sugerencias
Haga clic para leer 2 Corintios 5-7