-
Leer por capítulos:
-
Afrikaans (1953) -
-
16
|Deuteronomio 9:16|
Toe sien ek dat julle waarlik teen die HERE julle God gesondig het; julle het vir julle 'n gegote kalf gemaak; julle het gou afgewyk van die weg wat die HERE julle beveel het.
-
17
|Deuteronomio 9:17|
En ek het die twee tafels gegryp en dit uit my twee hande gegooi en dit voor julle oë verbrysel.
-
18
|Deuteronomio 9:18|
Daarop het ek voor die aangesig van die HERE neergeval, soos die eerste keer, veertig dae en veertig nagte lank--brood het ek nie geëet en water nie gedrink nie--vanweë al julle sonde wat julle begaan het deur te doen wat verkeerd is in die oë van die HERE om Hom te terg.
-
19
|Deuteronomio 9:19|
Want ek was bang vir die toorn en die grimmigheid waarmee die HERE op julle so toornig was, dat Hy julle wou verdelg; maar die HERE het my dié keer ook verhoor.
-
20
|Deuteronomio 9:20|
Ook was die HERE baie toornig op Aäron, sodat Hy hom wou verdelg; maar ek het ook vir Aäron in dié tyd gebid.
-
21
|Deuteronomio 9:21|
En ek het julle sonde, die kalf wat julle gemaak het, geneem en dit met vuur verbrand en dit stukkend gestamp en terdeë gemaal totdat dit so fyn soos stof was; en dié stof het ek in die stroom gegooi wat van die berg afkom.
-
22
|Deuteronomio 9:22|
Ook by Tabéra en by Massa en by Kibrot-Hattáäwa het julle elke keer die HERE vertoorn.
-
23
|Deuteronomio 9:23|
En toe die HERE julle uit Kades-Barnéa gestuur het met die woorde: Trek op en neem die land in besit wat Ek julle gegee het--was julle wederstrewig teen die bevel van die HERE julle God en het julle Hom nie geglo en na sy stem nie geluister nie.
-
24
|Deuteronomio 9:24|
Wederstrewig was julle teen die HERE van die dag af dat ek julle ken.
-
25
|Deuteronomio 9:25|
En ek het neergeval voor die aangesig van die HERE, die veertig dae en veertig nagte wat ek neergeval het, omdat die HERE gesê het dat Hy julle wou verdelg.
-
-
Sugerencias
Haga clic para leer Job 20-21