-
Leer por capítulos:
-
Afrikaans (1953) -
-
31
|Deuteronomio 1:31|
en in die woestyn, waar jy gesien het hoe die HERE jou God jou gedra het soos 'n man sy seun dra, op die hele pad wat julle getrek het, totdat julle tot by hierdie plek gekom het.
-
32
|Deuteronomio 1:32|
Maar ondanks hierdie woord het julle nie geglo in die HERE julle God nie,
-
33
|Deuteronomio 1:33|
wat voor julle uit getrek het op die pad om vir julle 'n plek uit te soek om julle laer op te slaan, snags in die vuur om julle te laat sien op die pad waar julle langs moes trek, en bedags in die wolk.
-
34
|Deuteronomio 1:34|
En toe die HERE die stem van julle woorde hoor, het Hy toornig geword en gesweer en gesê:
-
35
|Deuteronomio 1:35|
Waarlik, geeneen van hierdie manne, hierdie verkeerde geslag, sal die goeie land sien wat Ek met 'n eed beloof het om aan julle vaders te gee nie--
-
36
|Deuteronomio 1:36|
behalwe Kaleb, die seun van Jefúnne; hy sal dit sien, en aan hom en sy kinders sal Ek die land gee waarop hy geloop het, omdat hy volhard het om die HERE te volg.
-
37
|Deuteronomio 1:37|
Ook was die HERE toornig op my om julle ontwil, sodat Hy gesê het: Jy sal daar ook nie inkom nie.
-
38
|Deuteronomio 1:38|
Josua, die seun van Nun, wat voor jou staan--hy sal daar inkom; versterk hom, want hy sal Israel dit laat beërwe.
-
39
|Deuteronomio 1:39|
En julle kindertjies van wie julle gesê het: Hulle sal 'n buit word! en julle kinders wat vandag van geen goed of kwaad weet nie--húlle sal daar inkom en aan hulle sal Ek dit gee, en húlle sal dit in besit neem.
-
40
|Deuteronomio 1:40|
Maar julle, draai om en trek weg na die woestyn op pad na die Skelfsee.
-
-
Sugerencias
Haga clic para leer 2 Corintios 5-7