-
Leer por capítulos:
-
Afrikaans (1953) -
-
35
|Deuteronomio 2:35|
Net die vee het ons vir ons geroof en die buit van die stede wat ons ingeneem het.
-
36
|Deuteronomio 2:36|
Van Aroër af wat aan die kant van die Arnonrivier lê, en die stad in die dal, tot by Gílead was daar vir ons geen vesting onneembaar nie--die HERE onse God het alles aan ons oorgegee.
-
37
|Deuteronomio 2:37|
Net naby die land van die kinders van Ammon het jy nie gekom nie: die hele kant van die Jabbokrivier en die stede van die gebergte en alles wat die HERE onse God verbied het.
-
1
|Deuteronomio 3:1|
Daarna het ons weggedraai en op pad na Basan opgetrek; en Og, die koning van Basan, het uitgetrek ons tegemoet, hy en sy hele volk, om te veg by Edréï.
-
2
|Deuteronomio 3:2|
Toe het die HERE vir my gesê: Wees nie bevrees vir hom nie, want Ek gee hom en sy hele volk en sy land in jou hand; en jy moet met hom doen soos jy gedoen het met Sihon, die koning van die Amoriete, wat in Hesbon gewoon het.
-
3
|Deuteronomio 3:3|
En die HERE onse God het ook Og, die koning van Basan, en sy hele volk in ons hand gegee, sodat ons hom verslaan het, totdat daar van hom niemand oor was wat vrygeraak het nie.
-
4
|Deuteronomio 3:4|
En ons het in dié tyd al sy stede ingeneem; daar was geen vesting wat ons van hulle nie afgeneem het nie: sestig stede, die hele landstreek Argob, die koninkryk van Og in Basan.
-
5
|Deuteronomio 3:5|
Al hierdie stede was versterk met hoë mure, poorte en grendels, behalwe 'n groot menigte onbemuurde stede.
-
6
|Deuteronomio 3:6|
En ons het hulle met die banvloek getref soos ons met Sihon, die koning van Hesbon, gedoen het deur elke stad, manne, vroue en kinders met die banvloek te tref.
-
7
|Deuteronomio 3:7|
Maar al die vee en die buit van die stede het ons vir ons geroof.
-
-
Sugerencias
Haga clic para leer 1 Corintios 11-13