-
-
Afrikaans (1953) -
-
21
|Lucas 12:21|
So gaan dit met hom wat vir homself skatte vergader en nie ryk is in God nie.
-
22
|Lucas 12:22|
En Hy het aan sy dissipels gesê: Daarom sê Ek vir julle: Moenie julle kwel oor jul lewe, wat julle sal eet, of oor jul liggaam, wat julle sal aantrek nie.
-
23
|Lucas 12:23|
Die lewe is meer as die voedsel en die liggaam as die klere.
-
24
|Lucas 12:24|
Kyk na die kraaie, want hulle saai nie en hulle maai nie; hulle het geen voorraadkamer of skuur nie, en tog voed God hulle. Hoeveel meer is julle nie werd as die voëls nie!
-
25
|Lucas 12:25|
En wie onder julle kan, deur hom te kwel, een el by sy lengte voeg?
-
26
|Lucas 12:26|
As julle dan selfs nie die geringste kan doen nie, waarom kwel julle jul oor die ander dinge?
-
27
|Lucas 12:27|
Kyk na die lelies, hoe hulle groei: hulle arbei nie en hulle spin nie; en Ek sê vir julle, selfs Salomo in al sy heerlikheid was nie bekleed soos een van hulle nie.
-
28
|Lucas 12:28|
As God dan die gras van die veld wat vandag daar is en môre in 'n oond gegooi word, so beklee, hoeveel meer vir julle, kleingelowiges!
-
29
|Lucas 12:29|
Julle moet ook nie soek wat julle sal eet of wat julle sal drink nie, en julle nie ongerus maak nie;
-
30
|Lucas 12:30|
want al hierdie dinge soek die nasies van die wêreld, en julle Vader weet dat julle hierdie dinge nodig het.
-
-
Sugerencias
Haga clic para leer Números 28-30