-
-
Afrikaans (1953) -
-
1
|Lucas 19:1|
En Hy het in Jérigo gekom en daar deurgegaan.
-
2
|Lucas 19:2|
En daar was 'n man met die naam van Saggéüs, 'n hoof van die tollenaars en 'n ryk man.
-
3
|Lucas 19:3|
En hy het probeer om Jesus te sien, wie Hy was; maar vanweë die skare kon hy nie, omdat hy klein van persoon was.
-
4
|Lucas 19:4|
En hy het vooruit gehardloop en in 'n wildevyeboom geklim, sodat hy Hom kon sien, want Hy sou daarlangs verbygaan.
-
5
|Lucas 19:5|
En toe Jesus by die plek kom, kyk Hy op en sien hom en sê vir hom: Saggéüs, maak gou en klim af, want Ek moet vandag in jou huis bly.
-
6
|Lucas 19:6|
Hy maak toe gou en klim af en het Hom met blydskap ontvang.
-
7
|Lucas 19:7|
En toe almal dit sien, het hulle gemurmureer en gesê: Hy het by 'n sondige man tuisgegaan.
-
8
|Lucas 19:8|
Maar Saggéüs het gaan staan en aan die Here gesê: Here, kyk, die helfte van my goed gee ek vir die armes; en as ek van iemand iets afgepers het, gee ek dit vierdubbel terug.
-
9
|Lucas 19:9|
Toe sê Jesus aan hom: Vandag het daar redding vir hierdie huis gekom, aangesien hierdie man ook 'n seun van Abraham is.
-
10
|Lucas 19:10|
Want die Seun van die mens het gekom om te soek en te red wat verlore was.
-
-
Sugerencias
Haga clic para leer 1 Corintios 1-4