-
-
Afrikaans (1953) -
-
41
|Lucas 19:41|
En toe Hy naby kom en die stad sien, het Hy daaroor geween
-
42
|Lucas 19:42|
en gesê: As jy tog maar geweet het, ja, ook in hierdie dag van jou, die dinge wat tot jou vrede dien! Maar nou is dit vir jou oë bedek.
-
43
|Lucas 19:43|
Want daar sal dae oor jou kom dat jou vyande 'n skans rondom jou sal opwerp en jou omsingel en jou van alle kante insluit.
-
44
|Lucas 19:44|
En hulle sal jou en jou kinders in jou teen die grond verpletter; en hulle sal in jou nie een klip op die ander laat bly nie, omdat jy die gunstige tyd toe God jou besoek het, nie opgemerk het nie.
-
45
|Lucas 19:45|
En toe Hy in die tempel ingegaan het, begin Hy die wat daarin verkoop en koop, uit te jaag.
-
46
|Lucas 19:46|
En Hy sê vir hulle: Daar is geskrywe: My huis is 'n huis van gebed. Maar julle het dit 'n rowerspelonk gemaak.
-
47
|Lucas 19:47|
En elke dag was Hy besig om in die tempel te leer; en die owerpriesters en die skrifgeleerdes en die vernaamstes van die volk het probeer om Hom om te bring;
-
48
|Lucas 19:48|
en hulle het niks gevind wat hulle kon doen nie, want die hele volk het Hom aangehang en na Hom geluister.
-
-
Sugerencias
Haga clic para leer 1 Corintios 5-7