-
-
Afrikaans (1953) -
-
1
|Lucas 4:1|
En Jesus het vol van die Heilige Gees teruggekeer van die Jordaan af, en is deur die Gees in die woestyn gelei,
-
2
|Lucas 4:2|
waar Hy veertig dae lank deur die duiwel versoek is; en Hy het niks geëet in dié dae nie; en toe hulle verby was, het Hy naderhand honger geword.
-
3
|Lucas 4:3|
Toe sê die duiwel vir Hom: As U die Seun van God is, sê vir hierdie klip dat dit brood moet word.
-
4
|Lucas 4:4|
Maar Jesus antwoord en sê vir hom: Daar is geskrywe: Die mens sal nie van brood alleen lewe nie, maar van elke woord van God.
-
5
|Lucas 4:5|
Toe bring die duiwel Hom op 'n hoë berg en wys Hom al die koninkryke van die wêreld in 'n oomblik se tyd.
-
6
|Lucas 4:6|
En die duiwel sê vir Hom: Ek sal U al hierdie mag gee en hulle heerlikheid, want dit is aan my oorgegee, en ek gee dit aan wie ek wil.
-
7
|Lucas 4:7|
As U my dan aanbid, sal alles aan U behoort.
-
8
|Lucas 4:8|
En Jesus antwoord en sê vir hom: Gaan weg agter My, Satan, want daar is geskrywe: Die Here jou God moet jy aanbid en Hom alleen dien.
-
9
|Lucas 4:9|
Toe bring hy Hom na Jerusalem en stel Hom op die dak van die tempel en sê vir Hom: As U die Seun van God is, werp Uself hiervandaan neer.
-
10
|Lucas 4:10|
Want daar is geskrywe: Hy sal sy engele bevel gee aangaande U om U te bewaar,
-
-
Sugerencias
Haga clic para leer 1 Crónicas 25-27