-
-
Afrikaans (1953) -
-
1
|Lucas 8:1|
En daarna het Hy die een stad en dorp ná die ander deurgereis en gepreek en die evangelie van die koninkryk van God verkondig; en die twaalf was saam met Hom,
-
2
|Lucas 8:2|
ook sekere vroue wat genees was van bose geeste en siektes: Maria wat Magdaléna genoem word, uit wie sewe duiwels uitgegaan het,
-
3
|Lucas 8:3|
en Johanna, die vrou van Gusa, 'n bestuurder van Herodes, en Susanna en baie ander wat Hom almal met hulle besittings gedien het.
-
4
|Lucas 8:4|
En toe daar 'n groot menigte vergader, en die wat uit die verskillende stede by Hom aangesluit het, sê Hy aan hulle deur 'n gelykenis:
-
5
|Lucas 8:5|
'n Saaier het uitgegaan om sy saad te saai; en toe hy saai, val 'n deel langs die pad en is vertrap, en die voëls van die hemel het dit opgeëet.
-
6
|Lucas 8:6|
En 'n ander deel het op die rots geval; en nadat dit opgeskiet het, het dit verdroog, omdat dit geen vogtigheid gehad het nie.
-
7
|Lucas 8:7|
En 'n ander deel het tussen die dorings in geval; en die dorings het daarmee saamgegroei en dit verstik.
-
8
|Lucas 8:8|
En 'n ander deel het in die goeie grond geval en gegroei en honderdvoudige vrug opgelewer. Toe Hy dit gesê het, roep Hy uit: Wie ore het om te hoor, laat hom hoor!
-
9
|Lucas 8:9|
En sy dissipels het Hom gevra en gesê: Wat beteken hierdie gelykenis tog?
-
10
|Lucas 8:10|
En Hy antwoord: Aan julle is dit gegee om die verborgenhede van die koninkryk van God te ken; maar aan die ander deur gelykenisse, sodat hulle, terwyl hulle sien, nie sien nie, en terwyl hulle hoor, nie verstaan nie.
-
-
Sugerencias
Haga clic para leer 1 Crónicas 25-27