-
-
Afrikaans (1953) -
-
11
|Lucas 5:11|
En nadat hulle die skuite aan land gebring het, het hulle alles verlaat en Hom gevolg.
-
12
|Lucas 5:12|
En terwyl Hy in een van die stede was, kom daar 'n man vol van melaatsheid; en toe hy Jesus sien, val hy op sy aangesig en smeek Hom en sê: Here, as U wil, kan U my reinig.
-
13
|Lucas 5:13|
Daarop steek Hy die hand uit en raak hom aan en sê: Ek wil, word gereinig! En dadelik het die melaatsheid hom verlaat.
-
14
|Lucas 5:14|
Toe gee Hy hom bevel om dit aan niemand te vertel nie; maar, sê Hy, gaan vertoon jou aan die priester en offer vir jou reiniging, soos Moses voorgeskrywe het, vir hulle tot 'n getuienis.
-
15
|Lucas 5:15|
Maar die gerug aangaande Hom is nog meer versprei, en groot menigtes het bymekaargekom om te luister en deur Hom van hulle siektes genees te word.
-
16
|Lucas 5:16|
Maar Hy het Hom in verlate plekke teruggetrek en gebid.
-
17
|Lucas 5:17|
En op een van dié dae was Hy besig om te leer; en Fariseërs en wetgeleerdes wat gekom het uit elke dorp van Galiléa en Judéa en uit Jerusalem, het daar gesit, en daar was krag van die Here om hulle te genees.
-
18
|Lucas 5:18|
En daar het manne 'n mens wat verlam was, op 'n bed gebring, en hulle het probeer om hom in te bring en voor Hom neer te sit.
-
19
|Lucas 5:19|
En toe hulle vanweë die skare geen kans sien om hom in te bring nie, klim hulle op die dak en laat hom met die bed afsak deur die panne tussen die mense in en voor Jesus.
-
20
|Lucas 5:20|
En toe Hy hulle geloof sien, sê Hy vir hom: Mens, jou sondes is jou vergewe.
-
-
Sugerencias
Haga clic para leer Job 8-10