-
-
Afrikaans (1953) -
-
11
|Lucas 7:11|
En die dag daarna was Hy op weg na 'n stad met die naam van Nain; en baie van sy dissipels en 'n groot menigte het saam met Hom gegaan.
-
12
|Lucas 7:12|
En toe Hy naby die poort van die stad kom, word daar net 'n dooie uitgedra, die enigste seun van sy moeder, en sy was 'n weduwee; en 'n groot menigte van die stad was by haar.
-
13
|Lucas 7:13|
En toe die Here haar sien, het Hy innig jammer vir haar gevoel en vir haar gesê: Moenie ween nie!
-
14
|Lucas 7:14|
En Hy het nader gegaan en die baar aangeraak. Daarop staan die draers stil. En Hy sê: Jongman, Ek sê vir jou, staan op!
-
15
|Lucas 7:15|
En die dooie het regop gaan sit en begin praat; en Hy het hom aan sy moeder teruggegee.
-
16
|Lucas 7:16|
En vrees het almal aangegryp terwyl hulle God verheerlik en sê: 'n Groot profeet het onder ons opgestaan; en: God het sy volk besoek.
-
17
|Lucas 7:17|
En hierdie woord aangaande Hom het uitgegaan in die hele Judéa en in die hele omtrek.
-
18
|Lucas 7:18|
En die dissipels van Johannes het hom van al hierdie dinge berig gebring.
-
19
|Lucas 7:19|
En Johannes het sekere twee van sy dissipels na hom geroep en hulle na Jesus gestuur en gesê: Is U die Een wat sou kom, of moet ons 'n ander een verwag?
-
20
|Lucas 7:20|
En toe die manne by Hom kom, sê hulle: Johannes die Doper het ons na U gestuur en gesê: Is U die Een wat sou kom, of moet ons 'n ander een verwag?
-
-
Sugerencias
Haga clic para leer Éxodo 39-40