-
Leer por capítulos:
-
Afrikaans (1953) -
-
1
|Números 10:1|
Verder het die HERE met Moses gespreek en gesê:
-
2
|Números 10:2|
Maak vir jou twee silwertrompette; van dryfwerk moet jy dit maak; en hulle moet vir jou dien om die vergadering byeen te roep en om die laers te laat opbreek.
-
3
|Números 10:3|
As hulle dan daarop blaas, moet die hele vergadering by jou byeenkom by die ingang van die tent van samekoms.
-
4
|Números 10:4|
Maar as hulle op een daarvan blaas, moet by jou byeenkom die owerstes, die stamhoofde van Israel.
-
5
|Números 10:5|
En as julle alarm blaas, moet die laers opbreek wat aan die oostekant staan.
-
6
|Números 10:6|
Maar as julle die tweede keer alarm blaas, moet die laers opbreek wat aan die suidekant staan. Alarm moet hulle blaas as hulle moet opbreek.
-
7
|Números 10:7|
Maar as die vergadering byeen moet kom, moet julle blaas, maar nie alarm maak nie.
-
8
|Números 10:8|
En die seuns van Aäron, die priesters, moet op die trompette blaas; en dié trompette moet vir julle 'n ewige insetting in julle geslagte wees.
-
9
|Números 10:9|
En as julle in jul land in oorlog kom teen die vyand wat met julle veg, moet julle met die trompette alarm blaas; dan sal aan julle gedink word voor die aangesig van die HERE julle God, en julle sal van jul vyande verlos word.
-
10
|Números 10:10|
Op die dag as julle vrolik is, sowel as op julle feestye en by die begin van julle maande moet julle by jul brandoffers en by jul dankoffers op die trompette blaas: hulle sal dien om julle in gedagtenis te bring voor die aangesig van julle God. Ek is die HERE julle God.
-
-
Sugerencias
Haga clic para leer Números 25-27