-
Leer por capítulos:
-
Afrikaans (1953) -
-
1
|Números 22:1|
Daarna het die kinders van Israel weggetrek en laer opgeslaan in die vlaktes van Moab, oos van die Jordaan van Jérigo.
-
2
|Números 22:2|
Toe Balak, die seun van Sippor, sien alles wat Israel die Amoriete aangedoen het,
-
3
|Números 22:3|
het Moab baie bang geword vir die volk, want hulle was talryk; en Moab het beangs geword vanweë die kinders van Israel.
-
4
|Números 22:4|
Toe sê Moab vir die oudstes van Mídian: Nou sal hierdie menigte opeet alles wat rondom ons is, soos 'n bees die groenigheid van die veld opeet. En Balak, die seun van Sippor, was dié tyd koning van Moab.
-
5
|Números 22:5|
Daarop het hy boodskappers gestuur na Bíleam, die seun van Beor, in Petor wat by die Eufraat is, in die land van die kinders van sy volk, om hom te roep en te sê: Kyk, daar het 'n volk uit Egipte getrek; kyk, hulle het die oppervlakte van die land oordek en staan gelaer teenoor my.
-
6
|Números 22:6|
Kom dan tog nou, vervloek hierdie volk vir my, want hulle is magtiger as ek. Miskien sal ek onder hulle 'n slag kan slaan en hulle uit die land verdrywe. Want ek weet, die een wat jy seën, is geseënd; en die een wat jy vervloek, is vervloek.
-
7
|Números 22:7|
Toe het die oudstes van Moab en die oudstes van Mídian gegaan met waarsêersloon by hulle en by Bíleam gekom en hom die woorde van Balak meegedeel.
-
8
|Números 22:8|
Daarop antwoord hy hulle: Bly vannag hier oor; dan sal ek julle berig bring soos die HERE aan my sal sê. Toe het die vorste van Moab by Bíleam gebly.
-
9
|Números 22:9|
En God het na Bíleam gekom en gesê: Wie is die manne daar by jou?
-
10
|Números 22:10|
En Bíleam het God geantwoord: Balak, die seun van Sippor, die koning van Moab, laat my weet:
-
-
Sugerencias
Haga clic para leer Números 25-27