-
Leer por capítulos:
-
Afrikaans (1953) -
-
1
|Números 19:1|
Verder het die HERE met Moses en Aäron gespreek en gesê:
-
2
|Números 19:2|
Dit is die wetsinsetting wat die HERE beveel het deur te sê: Spreek met die kinders van Israel dat hulle vir jou 'n rooi koei sonder gebrek bring waar geen liggaamsgebrek aan is, waarop geen juk gekom het nie.
-
3
|Números 19:3|
En julle moet haar aan die priester Eleásar gee, en hulle moet haar buitekant die laer uitbring en voor hom slag.
-
4
|Números 19:4|
En die priester Eleásar moet van haar bloed met sy vinger neem en van haar bloed sewe maal in die rigting van die voorkant van die tent van samekoms sprinkel.
-
5
|Números 19:5|
Daarna moet hulle die koei voor sy oë verbrand; haar vel en haar vleis en haar bloed, saam met haar mis, moet hulle verbrand.
-
6
|Números 19:6|
En die priester moet sederhout en hisop en skarlakendraad neem en dit binne-in die brand van die koei gooi.
-
7
|Números 19:7|
Dan moet die priester sy klere was en sy liggaam in die water bad, en daarna mag hy in die laer kom; en die priester sal tot die aand toe onrein wees.
-
8
|Números 19:8|
Ook die een wat haar verbrand het, moet sy klere in die water was en sy liggaam in die water bad, en hy sal tot die aand toe onrein wees.
-
9
|Números 19:9|
En 'n rein man moet die as van die koei bymekaarmaak en buitekant die laer op 'n rein plek neersit, en dit moet vir die vergadering van die kinders van Israel bewaar word vir die reinigingswater: dit is 'n sondoffer.
-
10
|Números 19:10|
En die een wat die as van die koei bymekaargemaak het, moet sy klere was en sal tot die aand toe onrein wees. En dit moet vir die kinders van Israel en vir die vreemdeling wat onder hulle vertoef, 'n ewige insetting wees.
-
-
Sugerencias
Haga clic para leer 1 Samuel 17-19