-
Leer por capítulos:
-
Afrikaans (1953) -
-
1
|Números 32:1|
En die kinders van Ruben en die kinders van Gad het baie vee gehad, 'n groot menigte. En toe hulle die land van Jaéser en die land Gílead bekyk het, vind hulle uit dat die plek 'n plek vir vee was.
-
2
|Números 32:2|
Daarop het die kinders van Gad en die kinders van Ruben gekom en met Moses en die priester Eleásar en met die owerstes van die vergadering gespreek en gesê:
-
3
|Números 32:3|
Atarot en Dibon en Jaéser en Nimra en Hesbon en Eleále en Sebam en Nebo en Behon--
-
4
|Números 32:4|
die land wat die HERE voor die vergadering van Israel uit verower het--is 'n land vir vee, en u dienaars het vee.
-
5
|Números 32:5|
Verder het hulle gesê: As ons genade in u oë gevind het, laat hierdie land aan u dienaars as 'n besitting gegee word; bring ons nie oor die Jordaan nie.
-
6
|Números 32:6|
Maar Moses het die kinders van Gad en die kinders van Ruben geantwoord: Sal julle broers oorlog toe trek, en wil júlle hier bly?
-
7
|Números 32:7|
Waarom tog wil julle die hart van die kinders van Israel daarvan afkerig maak om deur te trek in die land wat die HERE aan hulle gegee het?
-
8
|Números 32:8|
So het julle vaders gedoen toe ek hulle van Kades-Barnéa af gestuur het om die land te bekyk.
-
9
|Números 32:9|
Toe hulle tot by die dal Eskol opgetrek en die land bekyk het, het hulle die hart van die kinders van Israel afkerig gemaak om in die land in te trek wat die HERE aan hulle gegee het.
-
10
|Números 32:10|
Daarom het die toorn van die HERE dieselfde dag ontvlam, en Hy het gesweer en gesê:
-
-
Sugerencias
Haga clic para leer Proverbios 16-19