-
-
Xhosa -
-
1
|1 Corintios 8:1|
Ke kaloku, ngeendawo zamadini enziwa kwizithixo, ndithi, Siyazi ukuba sinokwazi sonke. Ukwazi oku kuyakhukhumalisa, ke lona uthando luyakha.
-
2
|1 Corintios 8:2|
Ukuba ke umntu uba wazi nto, akakazi nento ngoko amelwe kukwazi ngako.
-
3
|1 Corintios 8:3|
Ukuba ke umntu uyamthanda uThixo, lowo uyaziwa nguye.
-
4
|1 Corintios 8:4|
Ngako ke ukudliwa kwamadini enziwa kwizithixo, siyazi ukuba akukho nto isisithixo ehlabathini; siyazi ukuba mnye kwaphela uThixo, akukho wumbi.
-
5
|1 Corintios 8:5|
Kuba kambe, nokuba kukho ekuthiwa bangoothixo, nokuba kusezulwini, nokuba kuphezu komhlaba (kwanjengokuba kukho oothixo abaninzi, neenkosi ezininzi),
-
6
|1 Corintios 8:6|
kuthi thina mnye uThixo, uYise, eziphuma kuye izinto zonke; nathi sikholo yena. Inye iNkosi, uYesu Kristu, ezingayo zonke izinto; nathi singaye.
-
7
|1 Corintios 8:7|
Ke ukwazi oko akubantwini bonke. Inxenye ke ithi, isenesazela ngesithixo unangoku, idle ngokudliwa kwedini elenziwe kwisithixo, size isazela sabo, siswele amandla nje, sidyobheke.
-
8
|1 Corintios 8:8|
Ukudla akusithandisi kuye uThixo; kuba nokuba sithe sadla, asigqithe nganto; nokuba asithanga sidle, asisilele nganto.
-
9
|1 Corintios 8:9|
Lumkani ke, hleze elo gunya lenu libe sisiwiso kwabaswele amandla.
-
10
|1 Corintios 8:10|
Kuba xa athe ubani wakubona, wena ungonokwazi, uhleli esithebeni etempileni yezithixo, asisayi kuthi na isazela sakhe, eswele amandla nje, somelezelwe ukudla amadini enzelwe izithixo?
-
-
Sugerencias
Haga clic para leer Éxodo 39-40