-
Leer por capítulos:
-
Xhosa -
-
21
|Mateo 23:21|
Nalowo uyifungayo itempile, ufunga yona nomiyo kuyo.
-
22
|Mateo 23:22|
Nalowo uwafungayo amazulu, ufunga itrone kaThixo nohleli phezu kwayo.
-
23
|Mateo 23:23|
Yeha, nina babhali, baFarisi, bahanahanisindini! Ngokuba ninikela izishumi zetyeleba nedile nekumin, kanti nizishiyile ezona ndawo zinzima zomthetho, umgwebo nenceba nokholo; ezi benimelwe kukuba nizenze, nithi neziya ningazishiyi.
-
24
|Mateo 23:24|
Bakhokelindini baziimfama, abahluza imbuzane, ke baginye inkamela.
-
25
|Mateo 23:25|
Yeha, nina babhali, baFarisi, bahanahanisindini! Ngokuba nihlambulula umphandle wendebe nesitya, kanti ke ngaphakathi kuzele kukuphanga nokungazeyisi.
-
26
|Mateo 23:26|
MFarisindini uyimfama, hlambulula tanci okungaphakathi kwendebe nesitya, ukuze kuthi okungaphandle kwazo kuhlambuluke nako.
-
27
|Mateo 23:27|
Yeha, nina babhali, baFarisi, bahanahanisindini! Ngokuba nifana namangcwaba aqatywe ifutha, athi abonakale emahle okunene ngaphandle, kanti ngaphakathi azele ngamathambo abafileyo nokungcola konke.
-
28
|Mateo 23:28|
Ngokukwanjalo nani ngaphandle okunene nibonakala kubantu ningamalungisa, kanti ngaphakathi nizele luhanahaniso nokuchasene nomthetho.
-
29
|Mateo 23:29|
Yeha, nina babhali, baFarisi, bahanahanisindini! Ngokuba niwakha amangcwaba abaprofeti, nivathise amangcwaba amalungisa,
-
30
|Mateo 23:30|
nithi, Ukuba sasikho thina ngemihla yoobawo, singe singabanga nabudlelane nabo ngegazi labaprofeti.
-
-
Sugerencias
Haga clic para leer Job 18-19