-
Leer por capítulos:
-
Xhosa -
-
21
|Mateo 9:21|
kuba ibisithi ngaphakathi kwayo, Ukuba ndithe ndachukumisa ingubo yakhe nje kodwa, ndophiliswa.
-
22
|Mateo 9:22|
Wajika uYesu, wayibona, wathi, Ntombi yam, yomelela, ukholo lwakho lukusindisile. Yasindiswa loo ntokazi kwangelo lixa.
-
23
|Mateo 9:23|
Uthe akufika uYesu endlwini yomphathi, wazibona iingwali nabantu abaninzi bephithizela;
-
24
|Mateo 9:24|
athi kubo, Khwelelani; kuba intombazana ayifile, ilele. Basuka bamwa ngentsini.
-
25
|Mateo 9:25|
Uthe ke bakukhutshelwa phandle abantu, wangena, wayibamba ngesandla, yaza yavuka intombazana leyo.
-
26
|Mateo 9:26|
Lwaza lwaphuma udumo lwale nto, lwaya kuwo wonke loo mhlaba.
-
27
|Mateo 9:27|
Kuthe ke akuba edlula apho uYesu, walandelwa ziimfama ezimbini, zidanduluka, zisithi, Senzele inceba, nyana kaDavide.
-
28
|Mateo 9:28|
Zithe, akungena ke endlwini, zeza kufika kuye iimfama; athi kuzo uYesu, Niyakholwa na ukuba ndinako ukukwenza oko? Zithe kuye, Ewe, Nkosi.
-
29
|Mateo 9:29|
Wandula ukuwachukumisa amehlo azo, esithi, Ngokokholo lwenu makwenzeke kuni.
-
30
|Mateo 9:30|
Avuleka ke amehlo azo. Waza uYesu waziyala kalukhuni, esithi, Lumkani ingaziwa mntu le nto.
-
-
Sugerencias
Haga clic para leer Éxodo 39-40