1 João 4 - Versão AFRIKAANS - Novo Tempo - BibliaOnLine

1 João

Leia por capítulos

Comentário sobre a Leitura Bíblica de Hoje

1

2

3

4

5

Afrikaans (1953)

Capítulo 4

₁ |1 João 4:1| Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.

₂ |1 João 4:2| Hieraan ken julle die Gees van God: elke gees wat bely dat Jesus Christus in die vlees gekom het, is uit God;

₃ |1 João 4:3| en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.

₄ |1 João 4:4| Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is.

₅ |1 João 4:5| Hulle is uit die wêreld; daarom praat hulle uit die wêreld, en die wêreld luister na hulle.

₆ |1 João 4:6| Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling.

₇ |1 João 4:7| Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.

₈ |1 João 4:8| Hy wat nie liefhet nie, het God nie geken nie, want God is liefde.

₉ |1 João 4:9| Hierin is die liefde van God tot ons geopenbaar, dat God sy eniggebore Seun in die wêreld gestuur het, sodat ons deur Hom kan lewe.

₁₀ |1 João 4:10| Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as 'n versoening vir ons sondes.

- Sugestões