Daniel 3 - Versão AFRIKAANS - Novo Tempo - BibliaOnLine

Daniel

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

Afrikaans (1953)

Capítulo 3

₁ |Daniel 3:1| Koning Nebukadnésar het 'n beeld van goud gemaak; sy hoogte was sestig el, sy breedte ses el; hy het dit opgerig in die dal Dura, in die provinsie Babel.

₂ |Daniel 3:2| Daarna het koning Nebukadnésar die landvoogde, die bevelhebbers en die goewerneurs, die raadsmanne, die skatmeesters, die regters, die hoofamptenare en al die bestuurders van die provinsies laat versamel, dat hulle moes kom na die inwyding van die beeld wat koning Nebukadnésar opgerig het.

₃ |Daniel 3:3| Toe het die landvoogde, die bevelhebbers en die goewerneurs, die raadsmanne, die skatmeesters, die regters, die hoofamptenare en al die bestuurders van die provinsies bymekaargekom by die inwyding van die beeld wat koning Nebukadnésar opgerig het, en hulle het voor die beeld gaan staan wat Nebukadnésar opgerig het.

₄ |Daniel 3:4| En 'n uitroeper het hardop geroep: Julle word aangesê, o volke, nasies en tale,

₅ |Daniel 3:5| sodra julle die geluid hoor van horing, fluit, siter, luit, harp, doedelsak en van allerhande musiekinstrumente, moet julle neerval en die goue beeld aanbid wat koning Nebukadnésar opgerig het.

₆ |Daniel 3:6| En hy wat nie neerval en aanbid nie, sal op die daad binne-in die brandende vuuroond gegooi word.

₇ |Daniel 3:7| Daarom het, op die oomblik toe al die volke die geluid van horing, fluit, siter, luit, harp en van allerhande musiekinstrumente hoor, al die volke, nasies en tale neergeval en die goue beeld aanbid wat koning Nebukadnésar opgerig het.

₈ |Daniel 3:8| Op grond daarvan het tegelykertyd Chaldeeuse manne nader gekom en die Jode aangeklaag.

₉ |Daniel 3:9| Daarop het hulle met koning Nebukadnésar gespreek en gesê: Mag die koning vir ewig lewe!

₁₀ |Daniel 3:10| U, o koning, het 'n bevel gegee dat elke mens wat die geluid van horing, fluit, siter, luit, harp en doedelsak en van allerhande musiekinstrumente hoor, moet neerval en die goue beeld aanbid;

- Sugestões