Jonas 4 - Versão AFRIKAANS - Novo Tempo - BibliaOnLine

Jonas

Leia por capítulos

Comentário sobre a Leitura Bíblica de Hoje

1

2

3

4

Afrikaans (1953)

Capítulo 4

₁ |Jonas 4:1| Maar Jona was hieroor erg ontstemd, en hy het kwaad geword.

₂ |Jonas 4:2| Toe bid hy tot die HERE en sê: Ag, HERE, het ek dit nie gedink terwyl ek nog in my land was nie? Daarom het ek tevore na Tarsis gevlug; want ek het geweet dat U 'n genadige en barmhartige God is, lankmoedig en groot van goedertierenheid, en Een wat berou het oor die onheil.

₃ |Jonas 4:3| o HERE, neem dan nou tog my siel van my weg, want dit is vir my beter om te sterwe as om te lewe.

₄ |Jonas 4:4| Daarop sê die HERE: Het jy rede om vertoornd te wees?

₅ |Jonas 4:5| En Jona het die stad verlaat en aan die oostekant van die stad gaan sit. Daar maak hy toe vir hom 'n skerm, en hy gaan daaronder in die skaduwee sit, totdat hy sou sien wat met die stad gebeur.

₆ |Jonas 4:6| Toe beskik die HERE God 'n wonderboom en laat dit oor Jona opskiet om te dien as skaduwee oor sy hoof, om hom van sy ontstemdheid te bevry; en Jona was baie bly oor die wonderboom.

₇ |Jonas 4:7| Maar God het die volgende môre toe die dag breek, 'n wurm beskik; en dié het die wonderboom gesteek, sodat dit verdor het.

₈ |Jonas 4:8| En met sonop het God 'n gloeiende oostewind beskik; en toe die son op die hoof van Jona steek, het hy magteloos geword en gewens dat hy mag sterwe, en gesê: Dit is vir my beter om te sterwe as om te lewe.

₉ |Jonas 4:9| Toe sê God vir Jona: Het jy rede om vertoornd te wees oor die wonderboom? En hy antwoord: Ek het rede om vertoornd te wees tot die dood toe.

₁₀ |Jonas 4:10| Verder sê die HERE: Jy wil die wonderboom spaar waar jy geen arbeid aan bestee het nie en wat jy nie grootgemaak het nie, wat in een nag ontstaan en in een nag vergaan het.

- Sugestões