Malaquias 3 - Versão AFRIKAANS - Novo Tempo - BibliaOnLine

Malaquias

Leia por capítulos

Comentário sobre a Leitura Bíblica de Hoje

1

2

3

4

Afrikaans (1953)

Capítulo 3

₁ |Malaquias 3:1| Kyk, Ek stuur my boodskapper wat die weg voor My uit sal baan; dan sal skielik na sy tempel kom die Here na wie julle soek, naamlik die Engel van die verbond, na wie julle 'n begeerte het. Kyk, Hy kom, sê die HERE van die leërskare.

₂ |Malaquias 3:2| Maar wie kan die dag van sy koms verdra? En wie kan standhou as Hy verskyn? Want Hy sal wees soos die vuur van die smelter en soos die loog van die wassers.

₃ |Malaquias 3:3| En Hy sal sit: 'n smelter en reiniger van silwer, en Hy sal die seuns van Levi reinig en hulle louter soos goud en soos silwer, sodat hulle aan die HERE in geregtigheid 'n offer sal bring.

₄ |Malaquias 3:4| Dan sal die offer van Juda en Jerusalem vir die HERE aangenaam wees soos in die ou dae en soos in die jare van die voortyd.

₅ |Malaquias 3:5| En Ek sal tot julle nader om strafgerig te hou, en Ek sal 'n haastige getuie wees teen die towenaars en teen die egbrekers en teen die meinediges en teen die wat die dagloner in sy loon, die weduwee en die wees verdruk; en teen die wat die vreemdeling wegstoot en My nie vrees nie, sê die HERE van die leërskare.

₆ |Malaquias 3:6| Want Ek, die HERE, het nie verander nie; en julle, kinders van Jakob, is nie verteer nie.

₇ |Malaquias 3:7| Sedert die dae van julle vaders het julle van my insettinge afgewyk en dit nie onderhou nie. Keer terug na My, en Ek wil na julle terugkeer, sê die HERE van die leërskare. Maar julle vra: Waarin moet ons terugkeer?

₈ |Malaquias 3:8| Mag 'n mens God beroof? Want julle beroof My, en julle sê: Waarin het ons U beroof? In die tiendes en die offergawe.

₉ |Malaquias 3:9| Met die vloek is julle belaai, en tog beroof julle My, julle, die hele nasie!

₁₀ |Malaquias 3:10| Bring die hele tiende na die skathuis, sodat daar spys in my huis kan wees; en beproef My tog hierin, sê die HERE van die leërskare, of Ek vir julle nie die vensters van die hemel sal oopmaak en op julle 'n oorvloedige seën sal uitstort nie.

- Sugestões