Naum 1 - Versão AFRIKAANS - Novo Tempo - BibliaOnLine

Naum

Leia por capítulos

Comentário sobre a Leitura Bíblica de Hoje

1

2

3

Afrikaans (1953)

Capítulo 1

₁ |Naum 1:1| Godspraak oor Ninevé. Die boek van die gesig van Nahum, die Élkosiet.

₂ |Naum 1:2| 'n Jaloerse God en 'n wreker is die HERE, 'n wreker is die HERE, en vol grimmigheid; 'n wreker is die HERE vir sy teëstanders, en Hy behou die toorn teen sy vyande.

₃ |Naum 1:3| Die HERE is lankmoedig, maar groot van krag; en nooit laat die HERE ongestraf bly nie. Sy weg is in warrelwind en in storm, en wolke is die stof van sy voete.

₄ |Naum 1:4| Hy dreig die see en maak dit droog en laat al die riviere opdroog; Basan en Karmel kwyn weg, en die groenigheid van die Líbanon verwelk.

₅ |Naum 1:5| Die berge bewe voor Hom, en die heuwels smelt weg; en die aarde rys op voor sy aangesig, ja, die wêreld en almal wat daarin woon.

₆ |Naum 1:6| Wie sal standhou voor sy grimmigheid? En wie sal bestand wees teen die gloed van sy toorn? Sy gramskap word uitgegiet soos vuur, en die rotse word stukkend geruk voor Hom.

₇ |Naum 1:7| Die HERE is goed, 'n toevlug in die dag van benoudheid, en Hy ken die wat by Hom skuil.

₈ |Naum 1:8| Maar met 'n oorstromende vloed maak Hy 'n einde aan die plek van die stad, en sy vyande vervolg Hy die duisternis in.

₉ |Naum 1:9| Wat wil julle beraam teen die HERE? Hy maak daar 'n einde aan; die benoudheid sal nie twee maal opkom nie.

₁₀ |Naum 1:10| Want al is hulle saamgevleg soos dorings, en soos hulle drank so deur en deur nat--hulle sal soos droë stoppels volkome verteer word.

- Sugestões