Oséias 12 - Versão AFRIKAANS - Novo Tempo - BibliaOnLine

Oséias

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

14

Afrikaans (1953)

Capítulo 12

₁ |Oséias 12:1| Efraim het My omsingel met leuens, en die huis van Israel met bedrog; terwyl Juda nog altyd bandeloos is teenoor God, ja, teenoor die Allerheiligste, die Getroue.

₂ |Oséias 12:2| Efraim hou hom besig met wind, en hy agtervolg die oostewind; die hele dag vermeerder hy leuens en geweld, en hulle sluit 'n verbond met Assur, terwyl olie na Egipte gevoer word.

₃ |Oséias 12:3| Die HERE het ook 'n twis met Juda, en Hy sal oor Jakob besoeking doen volgens sy weë, hom vergelde na sy dade.

₄ |Oséias 12:4| In die moederskoot het hy sy broer by die hakskeen gehou, en in sy manlike krag het hy met God geworstel.

₅ |Oséias 12:5| Ja, hy het met die Engel geworstel en die oorhand gekry, hy het geween en Hom gesmeek. By Bet-el het hy Hom gevind, en daar het Hy met ons gespreek.

₆ |Oséias 12:6| En HERE God van die leërskare, HERE is sy gedenknaam.

₇ |Oséias 12:7| En jy, tot jou God moet jy terugkeer, beoefen liefde en reg, en hoop gedurigdeur op jou God.

₈ |Oséias 12:8| Kanaän--in sy hand is daar 'n valse weegskaal, hy hou daarvan om af te pers.

₉ |Oséias 12:9| Maar Efraim sê: Tog het ek ryk geword, ek het vir my 'n vermoë verwerf. Alles wat ek verwerf het, is nie genoeg om op my enige sondeskuld te lê nie.

₁₀ |Oséias 12:10| Maar Ek is die HERE jou God van Egipteland af, Ek sal jou weer in tente laat woon soos in die dae van die huttefees.

- Sugestões