Sofonias 2 - Versão AFRIKAANS - Novo Tempo - BibliaOnLine

Sofonias

Leia por capítulos

Comentário sobre a Leitura Bíblica de Hoje

1

2

3

Afrikaans (1953)

Capítulo 2

₁ |Sofonias 2:1| Kom tot julleself, ja, kom tot inkeer, o nasie wat nie skaam word nie!

₂ |Sofonias 2:2| Voordat die besluit baar--soos kaf gaan die dag verby--voordat daar oor julle kom die toorngloed van die HERE, voordat oor julle kom die dag van die toorn van die HERE.

₃ |Sofonias 2:3| Soek die HERE, o alle ootmoediges van die land, wat sy ordening onderhou; soek geregtigheid, soek ootmoedigheid--miskien sal julle verborge bly op die dag van die toorn van die HERE.

₄ |Sofonias 2:4| Want Gasa sal verlate wees en Askelon tot verwoesting; Asdod sal op die helder middag verdryf word, en Ekron sal ontwortel word.

₅ |Sofonias 2:5| Wee die inwoners van die kusstreek, die nasie van die Kretiërs! Die woord van die HERE is teen julle, Kanaän, land van die Filistyne--Ek verdelg jou, sodat daar niemand meer woon nie.

₆ |Sofonias 2:6| En die kusstreek sal weiplekke met putte wees vir herders en krale vir kleinvee.

₇ |Sofonias 2:7| En dit sal wees 'n deel vir die oorblyfsel van die huis van Juda: hulle sal daarop wei; hulle sal saans in die huise van Askelon gaan lê, want die HERE hulle God sal op hulle ag gee en hulle lot verander.

₈ |Sofonias 2:8| Ek het gehoor die smaadtaal van Moab en die beskimpinge van die kinders van Ammon, waarmee hulle my volk gesmaad het, en hoe hulle hul groot gehou het teen sy grondgebied.

₉ |Sofonias 2:9| Daarom, so waar as Ek leef, spreek die HERE van die leërskare, die God van Israel: Moab sal word soos Sodom en die kinders van Ammon soos Gomorra--'n veld van brandnekels en soutpanne en 'n verwoesting vir ewig; die oorblyfsel van my volk sal hulle berowe, en die res van my nasie sal hulle beërwe.

₁₀ |Sofonias 2:10| Dit oorkom hulle vir hul trotsheid, want hulle het geskimp op en hulle groot gehou teen die volk van die HERE van die leërskare.

- Sugestões