-
Leer por capítulos:
-
Afrikaans (1953) -
-
1
|Jeremías 30:1|
Die woord wat van die HERE tot Jeremia gekom het.
-
2
|Jeremías 30:2|
So spreek die HERE, die God van Israel: Skryf vir jou in 'n boek al die woorde wat Ek met jou gespreek het;
-
3
|Jeremías 30:3|
want kyk, daar kom dae, spreek die HERE, dat Ek die lot van my volk Israel en Juda sal verander, sê die HERE; en Ek sal hulle terugbring in die land wat Ek aan hulle vaders gegee het, en hulle sal dit in besit neem.
-
4
|Jeremías 30:4|
En dit is die woorde wat die HERE gespreek het oor Israel en Juda:
-
5
|Jeremías 30:5|
Want so sê die HERE: Ons het 'n stem van verskrikking gehoor; daar is vrees en geen vrede nie!
-
6
|Jeremías 30:6|
Vra tog, en kyk of 'n manspersoon baar? Waarom sien ek elke man met sy hande op sy heupe soos een wat baar, en is alle aangesigte in bleekheid verander?
-
7
|Jeremías 30:7|
Wee, want die dag is groot, sonder weerga! En dit is 'n tyd van benoudheid vir Jakob; maar hy sal daaruit verlos word.
-
8
|Jeremías 30:8|
En op dié dag, spreek die HERE van die leërskare, sal Ek sy juk verbreek van jou nek af en jou stroppe stukkend ruk; en vreemdes sal hom nie meer diensbaar maak nie.
-
9
|Jeremías 30:9|
Maar hulle sal die HERE hulle God dien en hulle koning Dawid wat Ek vir hulle sal verwek.
-
10
|Jeremías 30:10|
Jy dan, wees nie bevrees nie, o my kneg Jakob, spreek die HERE; en wees nie verskrik nie, o Israel! Want kyk, Ek verlos jou uit ver plekke en jou nageslag uit die land van hulle gevangenskap; en Jakob sal terugkom en stil en gerus wees sonder dat iemand hom skrikmaak.
-
-
Sugerencias
Haga clic para leer Éxodo 5-8