-
Leer por capítulos:
-
Afrikaans (1953) -
-
1
|Jeremías 17:1|
Die sonde van Juda is geskrywe met 'n ystergriffel, met 'n diamantpunt; dit is gegrif op die tafel van hulle hart en op die horings van julle altare--
-
2
|Jeremías 17:2|
telkens as hulle kinders aan hulle altare dink en aan hulle heilige boomstamme by die groen bome, op die hoë heuwels.
-
3
|Jeremías 17:3|
My berg in die veld, jou rykdom, al jou skatte sal Ek as buit gee saam met jou hoogtes, weens die sonde in jou hele grondgebied.
-
4
|Jeremías 17:4|
En jy sal uitval--en dit deur jouself--uit jou erfenis wat Ek jou gegee het, en Ek sal jou jou vyande laat dien in 'n land wat jy nie ken nie; want julle het 'n vuur aangesteek in my toorn, tot in ewigheid sal dit brand.
-
5
|Jeremías 17:5|
So sê die HERE: Vervloek is die man wat op die mens vertrou en vlees sy arm maak, terwyl sy hart van die HERE afwyk.
-
6
|Jeremías 17:6|
En hy sal wees soos 'n kaal bos in die wildernis, en hy sal nie sien as die goeie kom nie, maar dor plekke in die woestyn bewoon, 'n brakkerige en onbewoonde land.
-
7
|Jeremías 17:7|
Geseënd is die man wat op die HERE vertrou, en wie se vertroue die HERE is.
-
8
|Jeremías 17:8|
Want hy sal wees soos 'n boom wat by die water geplant is en sy wortels uitskiet by die stroom en nie vrees as daar hitte kom nie, maar sy blad bly groen; en in 'n jaar van droogte is hy nie besorg nie en hou nie op om vrugte te dra nie.
-
9
|Jeremías 17:9|
Bedrieglik is die hart bo alle dinge, ja, verdorwe is dit; wie kan dit ken?
-
10
|Jeremías 17:10|
Ek, die HERE, deursoek die hart, toets die niere, om aan elkeen te gee na sy weë, volgens die vrug van sy handelinge.
-
-
Sugerencias
Haga clic para leer 1 Pedro 1-5