-
Leer por capítulos:
-
Afrikaans (1953) -
-
1
|Jeremías 42:1|
Toe het al die owerstes van die leërs aangekom, naamlik Jóhanan, die seun van Karéag, en Asárja, die seun van Hosája, en die hele volk, klein en groot,
-
2
|Jeremías 42:2|
en aan die profeet Jeremia gesê: Laat ons smeking tog voor u kom en bid tot die HERE u God vir ons, vir hierdie hele oorblyfsel--want ons het as 'n klein klompie uit baie oorgebly, soos u oë ons sien--
-
3
|Jeremías 42:3|
dat die HERE u God ons bekend mag maak die pad wat ons moet trek, en die saak wat ons moet doen.
-
4
|Jeremías 42:4|
En die profeet Jeremia het hulle geantwoord: Ek hoor; kyk, ek sal tot die HERE julle God bid volgens julle woorde; en alles wat die HERE julle antwoord, sal ek julle bekend maak; ek sal vir julle niks agterhou nie.
-
5
|Jeremías 42:5|
Toe sê hulle vir Jeremia: Laat die HERE 'n waaragtige en geloofwaardige getuie teen ons wees as ons nie stip handel ooreenkomstig elke woord waarmee die HERE u God u na ons sal stuur nie.
-
6
|Jeremías 42:6|
Laat dit goed of sleg wees--ons sal luister na die stem van die HERE onse God na wie ons u stuur, dat dit met ons goed kan gaan as ons luister na die stem van die HERE onse God.
-
7
|Jeremías 42:7|
En aan die einde van tien dae het die woord van die HERE tot Jeremia gekom,
-
8
|Jeremías 42:8|
en hy het Jóhanan, die seun van Karéag, geroep en al die owerstes van die leërs wat by hom was, en die hele volk, klein en groot,
-
9
|Jeremías 42:9|
en aan hulle gesê: So spreek die HERE, die God van Israel, na wie julle my gestuur het om julle smeking eerbiediglik voor sy aangesig te bring:
-
10
|Jeremías 42:10|
As julle rustig in hierdie land bly, sal Ek julle bou en nie afbreek nie, en julle plant en nie uitruk nie; want Ek het berou oor die onheil wat Ek julle aangedoen het.
-
-
Sugerencias
Haga clic para leer Proverbios 12-15