-
Leer por capítulos:
-
Afrikaans (1953) -
-
1
|Jeremías 46:1|
Die woord van die HERE wat aangaande die volke tot die profeet Jeremia gekom het.
-
2
|Jeremías 46:2|
Oor Egipte. Oor die leër van Farao Nego, die koning van Egipte, wat by die Eufraatrivier by Kárkemis was, wat Nebukadrésar, die koning van Babel, verslaan het in die vierde jaar van Jójakim, die seun van Josía, die koning van Juda--
-
3
|Jeremías 46:3|
Hou die klein en die groot skild klaar, en kom aan na die geveg!
-
4
|Jeremías 46:4|
Span die perde in, en klim op, o ruiters! En staan reg, met die helms op; maak blink die spiese, trek die pantsers aan.
-
5
|Jeremías 46:5|
Waarom sien ek--hulle is verslae, hulle wyk agteruit? Ja, hulle helde is verslaan en vlug al verder sonder om om te draai. Daar is skrik rondom, spreek die HERE.
-
6
|Jeremías 46:6|
Die wat gou is, kan nie ontvlug nie, en die held kan nie ontkom nie; teen die noorde, aan die kant van die Eufraatrivier, het hulle gestruikel en geval.
-
7
|Jeremías 46:7|
Wie is dit wat daar oprys soos die Nyl, waarvan die waters klots soos strome?
-
8
|Jeremías 46:8|
Egipte rys op soos die Nyl en sy waters klots soos strome; en hy sê: Ek sal optrek, die aarde oordek, ek wil die stad verwoes en die wat daarin woon.
-
9
|Jeremías 46:9|
Trek op, perde, en raas, waens! En laat die helde uittrek: Kusiete en Putéërs wat die skild hanteer, en Ludiete wat die boog hanteer en span.
-
10
|Jeremías 46:10|
Maar dié dag behoort aan die Here HERE van die leërskare, 'n dag van wraak, om wraak te neem op sy teëstanders; en die swaard sal verslind en versadig en dronk word van hulle bloed; want die Here HERE van die leërskare het 'n slagoffer in die Noordland, by die Eufraatrivier.
-
-
Sugerencias
Haga clic para leer 1 Pedro 1-5