-
Leer por capítulos:
-
Afrikaans (1953) -
-
1
|Jeremías 48:1|
Oor Moab. So sê die HERE van die leërskare, die God van Israel: Wee oor Nebo, want dit is verwoes; Kirjatáim staan beskaamd, dit is ingeneem; die rotsvesting is beskaamd en verskrik.
-
2
|Jeremías 48:2|
Uit is dit met die roem van Moab; in Hesbon het hulle onheil teen hom bedink en gesê: Kom laat ons hom uitroei, dat hy geen nasie meer is nie. Ook jy, Madmen, sal verwoes word, die swaard sal jou agtervolg.
-
3
|Jeremías 48:3|
Hoor! Geskreeu uit Horonáim: verwoesting en 'n groot vernieling.
-
4
|Jeremías 48:4|
Moab is verbreek; sy kleintjies laat 'n geskreeu hoor.
-
5
|Jeremías 48:5|
Want die hoogte van Luhit gaan hulle op met geween by geween; want aan die hange van Horonáim het hulle angsgeskreeu van verbreking gehoor.
-
6
|Jeremías 48:6|
Vlug, red julle lewe, en word soos 'n kaal bos in die woestyn!
-
7
|Jeremías 48:7|
Want omdat jy vertrou het op jou handelinge en op jou voorrade, sal jy ook ingeneem word; en Kamos sal uittrek in ballingskap, sy priesters en sy vorste almal saam.
-
8
|Jeremías 48:8|
En die verwoester sal kom oor elke stad, sodat geen stad sal vryraak nie; en die dal sal te gronde gaan, en die gelyk veld sal verwoes word, soos die HERE gesê het.
-
9
|Jeremías 48:9|
Gee vlerke aan Moab, want hy sal moet wegvlieg; en sy stede sal 'n woesteny word, sonder dat daar iemand in woon.
-
10
|Jeremías 48:10|
Vervloek is hy wat nalatig is om die werk van die HERE te doen; ja, vervloek is hy wat sy swaard van bloed terughou!
-
-
Sugerencias
Haga clic para leer 1 Pedro 1-5