-
Leer por capítulos:
-
Afrikaans (1953) -
-
4
|Jeremías 14:4|
Weens die land wat verslae is, omdat daar geen reën op die aarde is nie, kom die landbouers in die skande, hulle bedek hulle hoof.
-
5
|Jeremías 14:5|
Want selfs die wildsbok in die veld lam en gooi haar lam weg, omdat daar geen jong gras is nie.
-
6
|Jeremías 14:6|
En wilde-esels staan op die kaal heuwels, hulle snuif die wind op soos die jakkalse; hulle oë versmag, omdat daar geen gras is nie.
-
7
|Jeremías 14:7|
Hoewel ons ongeregtighede teen ons getuig, o HERE, doen dit om u Naam ontwil; want ons afkerighede is baie, ons het teen U gesondig.
-
8
|Jeremías 14:8|
o Verwagting van Israel, sy Verlosser in tyd van benoudheid! Waarom sou U wees soos 'n vreemdeling in die land en soos 'n reisiger wat uitdraai om te vernag?
-
9
|Jeremías 14:9|
Waarom sou U wees soos 'n man wat verslae is, soos 'n held wat nie kan verlos nie? U is tog in ons midde, o HERE, en u Naam is oor ons uitgeroep. Verlaat ons nie!
-
10
|Jeremías 14:10|
So sê die HERE van hierdie volk: Só het hulle daarvan gehou om te swerwe, hulle het hul voete nie teruggehou nie; daarom het die HERE geen behae in hulle nie. Nou sal Hy aan hulle ongeregtigheid dink en hulle sondes besoek.
-
11
|Jeremías 14:11|
Verder het die HERE vir my gesê: Bid nie vir hierdie volk ten goede nie.
-
12
|Jeremías 14:12|
As hulle vas, luister Ek nie na hulle gesmeek nie; en as hulle brandoffer en spysoffer bring, het Ek in hulle geen behae nie; maar deur die swaard en die hongersnood en die pes maak Ek hulle tot niet.
-
13
|Jeremías 14:13|
Toe sê ek: Ag, Here HERE, kyk, die profete sê vir hulle: Julle sal geen swaard sien en geen hongersnood hê nie; maar Ek sal julle 'n duursame vrede gee in hierdie plek.
-
-
Sugerencias
Haga clic para leer 2 Pedro 1-3