-
-
Afrikaans (1953) -
-
3
|Lucas 24:3|
En toe hulle ingaan, het hulle nie die liggaam van die Here Jesus gekry nie.
-
4
|Lucas 24:4|
En terwyl hulle hieroor in verleentheid was, staan daar twee manne by hulle in blink klere.
-
5
|Lucas 24:5|
En toe hulle baie bevrees word en met hulle aangesigte na die aarde buig, sê die manne vir hulle: Waarom soek julle die Lewende by die dooies?
-
6
|Lucas 24:6|
Hy is nie hier nie, maar Hy het opgestaan. Onthou hoe Hy vir julle gesê het toe Hy nog in Galiléa was:
-
7
|Lucas 24:7|
Die Seun van die mens moet oorgelewer word in die hande van sondige mense en gekruisig word en op die derde dag opstaan.
-
8
|Lucas 24:8|
En hulle het sy woorde onthou.
-
9
|Lucas 24:9|
Hulle gaan toe terug van die graf en vertel dit alles aan die elf en aan al die ander.
-
10
|Lucas 24:10|
En dit was Maria Magdaléna en Johanna en Maria, die moeder van Jakobus, en die ander vroue saam met hulle wat dit aan die apostels vertel het.
-
11
|Lucas 24:11|
En hul woorde het vir hulle na onsinnige praatjies gelyk, en hulle het hul nie geglo nie.
-
12
|Lucas 24:12|
Maar Petrus het opgestaan en na die graf gehardloop; en toe hy neerbuk, sien hy die doeke alleen lê. En hy het weggegaan huis toe, vol verwondering oor wat gebeur het.
-
-
Sugerencias
Haga clic para leer 1 Corintios 5-7