-
-
Afrikaans (1953) -
-
23
|Lucas 9:23|
En Hy sê vir almal: As iemand agter My aan wil kom, moet hy homself verloën en sy kruis elke dag opneem en My volg.
-
24
|Lucas 9:24|
Want elkeen wat sy lewe wil red, sal dit verloor; maar elkeen wat sy lewe om My ontwil verloor, hy sal dit red.
-
25
|Lucas 9:25|
Wat baat dit 'n mens tog as hy die hele wêreld win, maar homself verloor of skade aandoen?
-
26
|Lucas 9:26|
Want elkeen wat hom skaam vir My en my woorde, vir hom sal die Seun van die mens Hom skaam wanneer Hy kom in sy heerlikheid en dié van die Vader en van die heilige engele.
-
27
|Lucas 9:27|
Ek sê vir julle met waarheid: Daar is sommige van die wat hier staan, wat die dood sekerlik nie sal smaak voordat hulle die koninkryk van God gesien het nie.
-
28
|Lucas 9:28|
En omtrent agt dae ná hierdie woorde het Hy Petrus en Johannes en Jakobus saamgeneem en op die berg geklim om te bid.
-
29
|Lucas 9:29|
En terwyl Hy bid, het die voorkoms van sy aangesig anders geword en sy klere skitterend wit.
-
30
|Lucas 9:30|
En daar was twee manne in gesprek met Hom; dit was Moses en Elía.
-
31
|Lucas 9:31|
Hulle het in heerlikheid verskyn en van sy uitgang gespreek wat Hy in Jerusalem sou volbring.
-
32
|Lucas 9:32|
En Petrus en die wat saam met hom was, was deur die slaap oorweldig. Maar toe hulle wakker word, sien hulle sy heerlikheid en die twee manne wat by Hom staan.
-
-
Sugerencias
Haga clic para leer Salmos 1-9