-
-
Afrikaans (1953) -
-
31
|Lucas 10:31|
En bygeval het 'n priester met daardie pad afgekom, en toe hy hom sien, gaan hy anderkant verby.
-
32
|Lucas 10:32|
En net so het ook 'n Leviet by dié plek gekom en hom gesien en anderkant verbygegaan.
-
33
|Lucas 10:33|
Maar 'n sekere Samaritaan wat op reis was, het op hom afgekom; en toe hy hom sien, het hy innig jammer gevoel,
-
34
|Lucas 10:34|
en na hom gegaan, sy wonde verbind en olie en wyn daarop gegooi. Hy het hom toe op sy eie pakdier gehelp en hom na 'n herberg geneem en vir hom gesorg.
-
35
|Lucas 10:35|
En toe hy die volgende môre weggaan, haal hy twee pennings uit en gee dit aan die eienaar van die herberg en sê vir hom: Sorg vir hom, en enige onkoste wat jy nog meer mag hê, sal ek jou betaal as ek terugkom.
-
36
|Lucas 10:36|
Wie dan van hierdie drie, dink jy, was die naaste van hom wat onder die rowers verval het?
-
37
|Lucas 10:37|
En hy antwoord: Hy wat barmhartigheid aan hom bewys het. Toe sê Jesus vir hom: Gaan en doen jy net so.
-
38
|Lucas 10:38|
En op hulle reis het Hy in 'n sekere dorp gekom, en 'n vrou met die naam van Martha het Hom in haar huis ontvang.
-
39
|Lucas 10:39|
En sy het 'n suster gehad met die naam van Maria; dié het aan die voete van Jesus gesit en na sy woord geluister.
-
40
|Lucas 10:40|
Maar Martha was baie besig om alles klaar te maak. Sy kom toe daar staan en sê: Here, gee U nie om dat my suster my alleen laat bedien nie? Sê dan vir haar dat sy my moet help.
-
-
Sugerencias
Haga clic para leer Job 35-37